Украинскиот претседател Петро Порошенко денеска ги обвини проруските сепаратисти во источна Украина дека го прекршиле Договорот од Минск за прекин на огнот со вчерашните избори.
На официјалната страница на украинскиот претседател се истакнува дека Порошенко планира пред Советот за национална безбедност и одбрана да поднесе предлог за укинување на Законот на локална самоуправа на одделни региони во Донбас.
Порошенко наведува дека тој закон е доказ дека властите во Киев се искрени во напорите за деескалирање на ситуацијата во регионите контролирани од сепаратистите и за почитување на Договорот од Минск.
Украинскиот Совет за национална безбедност и одбрана утре ќе расправа за предлогот на Порошенко.