На изборите во сепаратистичката Лугањска демократска република победи досегашниот лидер Игор Плотницки со 63,17 отсто гласови, соопшти Избирачката комисија.
На изборите за парламент победи движењето Мир на Лугањск, чија листа ја предводеше Плотницки, со речиси 70 отсто гласови. Следува Лугањскиот економски сојуз и од Народниот сојуз.
Во Доњецк, актуелниот „премиер“ на самопрогласената украинска Доњецка народна република, Александар Захарченко и движењето Доњецка република водат на изборите, се вели во анализи од излезноста на изборите.
Според тие податоци, Захарченко води со 81,37 отсто гласови на изборите за лидер на ДНР. Неговите противници, Јуриј Сивоконенко и Александар Кофман добија девет односно 9,73 отсто гласови. Движењето на Захарченко, Доњецка република има 65,11 отсто гласови на изборите за народното собрание на ДНР, а Слободен Донбас има 34,8 проценти.