Украинскиот претседател Петро Порошенко го отфрли денешното гласање на претседателски и парламентарни избори во областите Доњецк и Луганск, нарекувајќи ги „фарса“ и ја повика Москва да не ги признава резултатите.
– Фарсата, што под закана на тенкови и пушки ја спроведуваат две терористички организации во делови на Донбас е ужасен настан, што нема никаква врска со правото, изјави Порошенко.
Украина претходно најави дека ќе отвори кривична истрага поради изборите во источниот дел на земјата.
Украинската служба за безбедност соопшти дека изборите се во спротивност на Уставот и претставуваат преземање на власта.