Полицијата трага по 15-годишно девојче од скопската населба Чаир и по 27-годишно момче од Гостивар, кои се пријавени во полициски станици за исчезнати.
Како што информираат од МВР, ноќеска во 02:40 часот во полициската станица Чаир, А.Р.(1966) од Скопје, пријавил дека вчера околу 11:00 часот од дома во непознат правец се оддалечила неговата ќерка А.Е.(15)..
Вчера во 23:55 часот во полициската станица Гостивар, гостиварката Д.А. пријавила дека на 31 октомври околу 22:00 часот од дома во непознат правец се оддалечил нејзиниот син М.М.(27). Д.А. посочила дека вчера околу 19:00 часот го побарала на телефон и тој и рекол дека нема да си дојде дома и дека бил на умирање, а по телефонскиот разговор бил недостапен.
Полицијата презема мерки за пронаоѓање на лицата.