Тринаесетгодишната Катарина Џиновиќ од Шабац, не ја кратела косата уште од своето раѓање. Поради тоа таа веќе ја има титулата на девојка со најдолга коса, а наскоро ќе влезе во Гинисовата книга на рекорди, со најголемата „четка“, пишува српски „24 часа“.
„Четката“ долга метар и 20 сантиметри и ја направил фризерот, Никола Кулезиќ, кој сака да го собори Гинисовиот рекорд во таа категорија.
Тој вели дека за изработка на оваа фризура му биле потребни 10 лакови за коса и едно пакување гел.
Џиновиќ истакна дека оваа фризура ќе ја искористи за да му помогне на Стефан Ѓорѓевиќ од Лебане, кој боледува од кардиомиопатија, поради што на нејзината коса е закачен бројот на жиро сметката на момчето.
Е. Г.