Министерот за правда Аднан Јашари денеска имаше средба со шпанскиот амбасадор Рамон Абароа Каранза, на која разговараше за досегашната соработка меѓу двете земји, при што посебен акцент е ставен врз судството, како и врз начинот на натамошната соработка.
Јашари, како што соопшти неговиот Кабинет, го информирал амбасадорот Абароа Каранза за постапките кои се во тек, како и за реформските активности кои се преземаат во однос на обезбедувањето на ефикасноста и независноста на судскиот систем.
Aмбасадорот Абароа Каранза изјави дека е подготвен за продлабочување на досегашната соработка, како и тоа дека измените и реформите што се прават во областа на правосудството се суштински за процесот на евроинтеграцијата. На средбата станало збор и за искуството на Кралството Шпанија во областа на малолетничката правда.
Министерот Јашари се заблагодари за соработката и пријателските односи меѓу двете земји и изрази подготвеност за натамошна соработка меѓу Република Македонија и Кралството Шпанија.