Преговорите за решавање на кризата во Украина, кои се одржаа за време на средбата на врвот Азија-Европа во Милано, беа успешни, изјави претседателот на Европската комисија, Жозе Мануел Баросо.
Тој истакна дека сите учесници во преговорите, меѓу кои претседателите на Русија и на Украина, Владимир Путин и Петро Порошенко, изразиле неопходност за мирно решавање на украинската криза.
Претседателот на Европскиот совет, Херман ван Ромпуј нагласи дека ЕУ е подготвена да и овозможи дополнителна помош на Украина за набљудување на нејзината граница со Русија. Според него, гарантирањето безбедност на границата е еден од клучните фактори за решавање на конфликтот.
Ван Ромпуј, исто така, додаде дека Путин го уверил оти Русија не е заинтересирана во Украина да се создаде ново Придњестровје.