Индиската Агенција за одбранбени истражувања која е дел од Министерството за одбрана за првпат успешно тестираше денеска ракета со среден дострел Нирбхај од класата земја-земја.
Ракетата беше испукана од полигонот Чандипур во источната држава Ориса на максимална далечина – 1.000 километри. Проектот Нирбхај се разработува од 2007 година.
Ракетата ќе биде дел од вооружувањето на ВВС, ВМС и копнените сили на индиската армија. Може да носи различни типови глави вклучително и со нуклеарно полнење. Првиот тест беше во март 2013 година и беше прекинат откако ракетата скршна од зададениот курс.