Неколку илјади Курди излегоа синоќа на улиците на повеќе германски градови, незадоволни од, како што нагласуваат, нерешителните мерки на меѓународната заедница и особено на Турција во борбата против групацијата Исламска држава.
Според податоците на полицијата околу 2.500 Курди учествувале во демонстрациите во различни градови во земјата. Најбројни биле простестите во Штутгарт, Манхајм и Карлсруе.
Протестите минаа без инциденти, а ситуацијата беше тензична во Минхен, каде демонстрантите минуваат и низ улица на која се наоѓаат голем број турски продавници и објекти.