Генералниот директор на Светската антидопинг агенција Дејвид Хауман денеска оцени дека криминалните групи контролираат најмалку четвртина од професионалниот спорт во светот.
– Организираниот криминал контролира најмалку 25% од вкупниот спорт, на овој или оној начин, истакна Хауман и апелира на општа борба против корупцијата во спортот.
Тој на конференцијата во Лондон посветена на безбедноста во спортот нагласи дека организираниот криминал е најголема закана во светот денеска.
Хауман потенцира дека тие што ги дистрибуираат допинг – стероидите како што се хормонот за човечки раст (ХГХ) и еритропротеин (ЕПО), се истите ликови кои ги корумпираат спортистите и плаќаат за местење натпревари.
– Тоа се истите тие лоши момци, изјави Хауман.