Шпанската Влада денеска официјално побара од Уставниот суд да го прогласи за нелегитимен референдумот за независност на Каталонија, изјави премиерот Мариано Рахој.
– Организирање на ваков референдум е целосно спротивно на шпанскиот устав, истакна Рахој.
Изјавата на шпанскиот премиер доаѓа откако лидерот на шпанскиот североисточен регион Артур Мас во саботата закажа одржување на референдум за 9 ноември.