Владата на Турција донесе одлука за укинување на забраната за носење на муслимански шамии во гимназиите и средните училишта во земјата, соопшти денеска турскиот вицепремиер и владин портпарол, Булент Аранч.
Како што објави електронското издание на турскиот весник „Хуриет“, ваквата одлука турската Влада ја донела на својата вчерашна седница.
Владата на исламистичката Партија на правдата и развојот (АКП) ја укина забраната за носење на муслимански шамии на турските универзитети во 2011 година, а лани беше укината и таквата забрана за во државните институци и Парламентот.
Турските медиуми јавија дека одлуката за укинување на забраната за носење на шамии во средните училишта предизвикала незадоволство меѓу секуларните опозициски партии и синдикатите.