Полска ќе создаде заедничка воена единица со Литванија и Украина со команден центар во источниот полски град Лублин, изјави вчера полското претседателство.
Според портпарол на полското Министерство за одбрана планираната бригада ќе биде составена од полски, литвански и украински војници, кои ќе бидат распоредени во своите дражви, а командата ќе биде во градот Лублин.
Проектот има за цел да се создаде единица што ќе може да учествува во мировни операции, како и да се постави основа за создавање на борбена група на НАТО, во случај да биде донесено такво решение во иднина.