Тендерот вреден 1.652.000 денари за набавка на Владата со газирана и негазирана вода ја доби фирмата Магрони ДОО Скопје која се води на Ул. Градски Стадион бб Скопје-Центар.
На огласот објавен од службата за општи и заеднички работи имало само една понуда, онаа на фирмата Магрони, а избрана е поради понудена најниска цена.
Договорот е потпишан на период од една година и е склучен пред два дена а до бирото за јавни набавки е доставен денеска.
СДСМ пред предвремените парламентарни избори годинава на неколку последователни прес конференции тврдеше дека од сметката на Влада на општи уплатници се префрлени само во еден ден 1.000.000 евра на телевизија Сител, а и обелоденија и мрежа на фирми регистрирани на иста адреса или Градски Стадион бб Скопје.
