Драмскиот театар од Скопје доби награди на меѓународниот театарски фестивал ФИАТ во Подгорица.
– Наградата за најдобра режија ја доби режисерот Дејан Пројковски, за претставата „Хамлет“, во продукција на Драмски театар Скопје, и за „Опасни врски“ во продукција на театарот „Вера Комисаржевскаја“ од Санкт Петербург. Наградата за најдобар актер ја доби актерот Дејан Лилиќ, за ликот на Хамлет во истоимената претстава. Исто така, претставата „Опасни врски“ во режија на Дејан Пројковски ја доби наградата за најдобро актерско остварување во целост, соопшти Драмски театар-Скопје.
Фестивалот на интернационален алтернативен театар (ФИАТ) постои од 1982 година, најпрво како ДОДЕСТ фестивал.
– Низ годините на овој фестивал гостувале многу значајни театарски дејци и продукции што го ставаат овој фестивал на ранг со БИТЕФ во Белград или МОТ во Скопје. Токму затоа учеството, и уште повеќе добиените награди, ни се особено драги, информира Драмски театар.