Со одење по жица на акробатотот Крис Бул пред Веро – центарот започнува седмото идание на „Баскерфест“.
Скопје ќе биде домаќин на на 30 артисти и 20 музичари кои првпат учествуваат на фестивалот и според најавите на организаторот „One Way“, ќе и овозможат на публиката комплетно нови досега невидени перформанси: Акробатски настапи, познати брејк денсери кои настапуваат на шоута на Џеј Лено, магионичари, танчери, жонглери и уметници од Австралија, Канада, Аргентина, Полска, Италија, Нов Зеланд, САД, Германија, Ирска, Јапонија, Боливија.
Програмата ќе ја надополнат и музички бендови.
Програмата на фестивалот ќе стартува од 18 часот и ќе трае до 02 часот по полоноќ во текот на работните денови, а за време на викендите и до 03 часот по полноќ.
Во рамки на Баскерфест ќе биде отворена Пиво градината, која ќе се наоѓа на самиот плоштад.