Министерството за внатрешни работи денеска ќе соопшти нови детали за акцијата „Гора“ што почна во јуни годинава со цел сузбивање на криминалот поврзан со нелегална сеча на дрва, пустошење на шумите и нелегална трговија со дрвна маса.
Во акцијата досега се запленети над 1.000 метри кубни огревно дрво, извршени се контроли во 245 легални складови за дрва, а поради утврдени неправилности 49 складови се затворени. Извршена е и контрола на 31 правно лице лиценцирано за издавање одобренија за сеча на приватна шума, при што кај 21 субјект се утврдени неправилности во работењето.
Против непочитување на законот поднесени се повеќе прекршочни и кривични пријави против правни и физички лица.
Акцијата ја спроведува МВР во соработка со Државниот инспекторат за шумарство, Државниот пазарен инспекторат, Државниот трудов инспекторат и Управата за јавни приходи.
