Градот Скопје ги известува граѓаните дека петтата авионска и терестрична дезинсекција против возрасни форми на комарци на подрачјето на градот ќе почне во петок (авионско) и во сабота (терестрично), од 5.30 до 8 часот.
„Петтиот наврат на аеросолната дезинсекција (терестрична) во 2014 година,на подрачјето на Град Скопје, против возрасни форми на комарци, ќе се одвива во деновите од 13.09.2014 до 17.09.2014 (од сабота до среда), во период од 23.00 до 04.00 часот, наредниот ден“, се наведува во соопштението од Град Скопје.
Доколку временските услови не го дозволуваат вршењето на аеросолната дезинсекција, од градот информираат дека авионската дезинсекцијата ќе се изврши првиот нареден ден, кога временските услови ќе бидат поволни, во истиот термин, а согласно на тоа ќе се извршува и терестричната дезинсекција.
Градот ги известува пчеларите навремено да ги преземат потребните мерки за заштита на пчелите.