Гевгелиското јавно комунално претпријатие „Комуналец“ и фирмата „Зотокс“ од Скопје утре на територијата на општина Гевгелија ќе спроведат акција за дератизација на канализационата мрежа.
Надлежните од „Комуналец“ информираа дека во акцијата за уништување на глодарите и штетниците во фекалната и атмосферската канализација ќе бидат третирани 1.500 шахти во Гевгелија и населените места Богородица, Негорци, Миравци и индустриската зона „Блокотехна“.
Гевгелиските комуналци очекуваат дератизацијата да уништи голем дел од глодарите и штетниците кои во последно време се многу намножени во канализациската мрежа во општина Гевгелија.