Kако што неофицијално дознава „Дневник“, премиерот Никола Груевски го отстранил од обезбедувањето Дејан Митровски-Урко.
Според „Дневник“, поради недоволна посветеност на професионалните обврски и непочитување на професионалните стандарди поврзани со угледот на вработениот, како и поради намален фокус на обврските, од обезбедување на претседателот на Владата на Република Македонија привремено е отстранет Д.М.
Според сознанијата на весникот, всушност, станува збор за Дејан Митровски-Урко.
Против него е поведена соодветна постапка, а до завршување на постапката за утврдување одговорност нема да извршува работни задачи на досегашната позиција. Надлежните ја потврдиле информацијата, но не сакале да кажат ништо повеќе освен дека станува збор за Д.М. Урко е верна „сенка“ на Груевски од првиот политички ангажман како министер за финансии во Владата на Љубчо Георгиевски.