Државниот просветен инспекторат поднесе прекршочни пријави и предлози за разрешување на директорите , кои не ја почитуваа одлуката и не ги симнаа таблите со новите имиња во четири училишта во Чаир.
Училиштата „Рајко Жинзифов“, „Цветан Димов“, „Јане Сандански“ и „Никола Вапцаров“на 31 август годинава беа ореименувани, без одобрение на Министерството за образование во„Исмаил Ќемали“, „Хасан Приштина“ „Јашар-бег“ и „Имри Елези“.
Инспекторатот соопшти дека денеска извршил контролен надзор, откако истече законскиот рок училиштата да постапат по решенијата што им ги прати и да ги поправат неправилностите.
Минатата недела во две училишта беа отстранети бистите на Јане Сандански и на Рајко Жинзифов.
Ванчо Шехтански, директор на државниот инспекторат за локална самоуправа минатата недела се закани дека таблите од училиштата може да се симнат веднаш со помош на полицијата. Денеска инспекторите само ја констатираа состојбата, најавија пријави и откази , но таблите си останаа.