Министерот за транспорт и врски Миле Јанакиески заедно со директорот на Јавното претпријатие за државни патишта Љупчо Георгиевски, ќе извршат увид на градежните активности на експресниот пат Велес-Штип до Кадрифаково.
Локацијата на која ќе се изврши увид е на 3,5 км од завршувањето на третата лента од Велес кон Штип.
Станува збор за доста оптоварен пат кој е главен влез за источна Македонија. Реконструкцијата со одредено проширување чини околу 15 милиони евра, а вкупно се опфатени 24 километри. Реконструкцијата на дел од патниот правец веќе е завршена.