Привршуваат градежните работи од проширувањето на дел од крстосницата на булеварот „Александар Македонски“ со улицата „16. Македонска бригада“. Булеварот ќе се прошири за една сообраќајна лента со ширина од 3,5 метри, во делот пред и по свртувањето во десно кон улицата 16.Македонска бригада, кон базата на Противпожарната бригада.
Како што соопшти Град Скопје, коловозот на булеварот „Александар Македонски“ ќе се прошири во должина од 150 метри.
Градежните работи се очекува да завршат за еден месец, а на проширување работат екипите на ЈП „Улици и патишта“. Градот Скопје за овој зафат ќе потроши околу два милиона денари со ДДВ.