Околу 900.000 евра без вклучен ДДВ проценил градот дека се доволни за реконструкција на фасада на зграда на улица „Македонија“ во центарот на градот.
Зградата со број 39 ќе добие нова фасада. Градот Скопје до бирото за јавна набавки доставил оглас, а услугата ја проценил на 54.114.733 милиони денари.
Во тендерската документација не е прецизирано за каква фасада станува збор, но најверојатно ќе биде во духот на „Скопје 2014“.
Освен за оваа зграда, градот Скопје најави и реконструкција на фасадите на улицата кај Рекорд во строгиот центар.
Нова барокна фасада ја краси зградата над ресторанот Пелистер. Оваа зграда доби фејс лифтинг од предната страна која гледа на плоштадот, додека задниот дел од фасадата е во оргиналниот изглед.
Оваа зграда, има проблем и со одводната канализација. Екипи на водовод еднаш до два пати во неделата ги одзатнуваат цевките од тазе новата барокната зграда.