Состојбите предизвикани од европската должничка криза, активностите поврзани со евроатланската интеграција на Македонија, состојбите во владината коалиција и претстојните локални избори биле теми на кои на денешната средба разговарале лидерите на партиите од коалицијата „За подобра Македонија“.
На средбата присуствуваше и Сашо Мијалков, што е протолкувано како сигурен знак дека Груевски сака да го искористи и неговото присуство за зацврстување на коалицијата, во која има се повеќе разногласие.
„Се разгледуваше состојбата предизвикана од европската економска должничка криза, податоците кои се актуелни во Македонија и во Европа и се разговараа можностите и начините како да се изнајдат решенија со кои што би се намалиле негативните ефекти од кризата“, изјави по средбата директорот на Центарот за комуникации на ВМРО-ДПМНЕ Илија Димовски.
Не разговарале за предвремени параламентарни избори,само за проблемите со ДУИ.
На прашањето зошто и директорот на УБК, Сашо Мијалков, присуствувал на средбата, Димовски образложи дека тој е член на Извршниот комитет на ВМРО-ДПМНЕ.