Семејна веселба во Куманово немала баш среќен крај. Две гостинки биле повредени при пукање од огнено оружје од страна на подразвеселен гостин. Едната од повредените, 46 – годишната Х.М. која била потешко ранета била донесена во скопскиот Ургентен центар, додека Р.А. била згрижена во болницата во Куманово.
Полицијата веднаш интервенирала на терен и го привела Д.А. државјанин на Косово, за кого постои сомнение дека пукал. По расчистување на случајот против него ќе следува соодветна пријава.