Специјалци на израелската војска во моментов се ангажирани во појасот Газа, каде што е во тек голема акција против Хамас.
Борбите во Газа се водат во тесни градски улици и тој начин на војување се разликува од сите досегашни. Израелската војска за тие потреби подготви и посебен град, во кој што војниците се обучуваат за новиот вид на војна.
Станува збор за посебниот вештачки град, Баладија кој се наоѓа во близина на базата Целим во пустината Нагав, веднаш покрај појасот Газа. Базата зазема површина од 20 километри квадратни и досега освен израелските ја користеле и други светски воени сили, пред се на САД како и мировните трупи на ОН.
Изградбата на овој центар чие што име е „Баладија“ е завршена во 2005 година, а истата изнесувала 45 милиони долари.
Алекс Милер, новинар на „Вајс“ имал можност заедно со израелските воници да помине обука и целиот процес да го забележи во документарен филм. Лажниот град има 600 згради, а командантите имаат можност да го прилагодуваат изгледот на градот за потребите на идните мисии. Инаку градот ги има сите детали, меѓу кои уличното осветлување како и џамија, од чие што минаре пет пати во денот се слуша повик за молитва.
Е. Г.