Рокот за залогот на црногорските златни резерви поради земање на кредит кај швајцарската Креди Свис банка е продолжен до 2017 година, пишуваат подгоричките „Дневни новини“.
– Државните резерви на злато се наоѓаат кај Креди Свис банката во Швајцарија, како предмет на залог за Договорот за кредит кој Владата на Црна Гора го склучи со таа финансиска институција во 2012 година. Се работи за кредит во износ од 150 милиони евра, од кои 30 милиони се обезбедни со злато – изјавија од црногорското Министерството за финансии.
Каматната стапка на аранжманот, како што се наведува, изнесува 12 месеци Еурибор плус маргините од 6,5 отсто, а средствата на кредитот се користени како буџетска поддршка.