Во текот на изминатите 24 часа на подрачјето на Град Скопје се случиле 11 сообраќајни незгоди од кои две со материјална штета, а седум со повредени лица.
Повредени се тројца пешаци, еден велосипедист, еден моторциклист, двајца возачи и еден сопатник.
Случени се и две незгоди со тешки телесни повреди. Првата се случила во 7 часот и 30 минути на крстосницата меѓу булеварите „Никола Карев“ и „8 Септември“ во која од возило „фолксваген пасат“ е повреден пешак, роден 1963 година,кој се здобил со тешки телесни повреди.
Втората сообраќајка се случила во 8 часот пред крстосницата од улиците „Московска“ и „Софиска“ во која се повредени возач на мопед и пешак. Пешакот се здобил со тешки, а возачот на мопед со телесни повреди.
Според евиденцијата на сообраќајната полиција, случени се уште три незгоди со мала материјална штета во кои е пополнет Европскиот извештај.
Од страна на сообраќајната полиција откриени и санкционирани се четворица возачи без возачка дозвола, шест возачи кои не ја почитувале светлосната сигнализација, 11 коишто не го почитувале ограничувањето на брзината на движење и 10 возачи кои не користеле сигурносен појас или користеле мобилниот телефон за време на возењето.
Со помош на специјалното возило „пајак“ отстранети се 36 возила кои го попречувале нормалното одвивање на сообраќајот.
За денеска нема најавено вонредни настани со што се очекува сообраќајот да се одвива тековно.