Новиот амбасадор на НР Кина, Вен Џеншун денеска беше во посета на општина Кисела Вода.
Градоначалничката на Кисела Вода, Билјана Беличанец-Алексиќ изрази надеж дека ќе продолжи успешната соработка која ја имаше општината со неговите претходници.
Дискутирајќи за можностите на општината и предизвиците со кои се соочува, соговорниците се фокусираа на изградбата на новото училиште во населбата Драчево, „Рајко Жинзифов”, кое е целосна донација од НР Кина.
Анализирајќи ја динамиката на работата и двајцата соговорници изразија надеж дека на 1 септември учениците од овој дел на градот ќе ја почнат учебната година во новиот објект, кој ќе биде урнек за сите други училишта во Скопје.
