Кон крајот на 2012 Питер Лунаг од Мелбурн му се пожалил на пријателот дека му е смачено од самечкиот живот и кусите врски, и му рекол дека се откажува од жените и од сексот засекогаш.
– Пријателот ми рече дека не би издржал ни една недела, и ме предизвика – ако се откажам од сексот цела година, ќе ми даде 2 000 долари – изјави Питер за „Daily Mail Australia“.
Така почнал предизвикот.
Од 1 јануари 2013 до 1 јануари 2014 тој не смеел да има секс со ниту една жена, а бакнувањето било дозволено.
Но, предизвикот отишол далеку над облогот – кога Питер објавил на Фејсбук што прави, собрал цели 50 000 долари доколку успее со „мисијата“ да издржи цела година без секс.
– Во првите неколку месеци за малку немаше да успеам, запознав прекрасна девојка, но таа ми помогна да издржам – вели Питер.
Почнал да размислува како да ги вложи парите што ќе ги добие, и отишол во Камбоџа. Дилемата била решена – парите одат за школување на сиромашните девојчиња во Камбоџа.