Хелоу Кити, која беше дизајнирана од јапонската дизајнерка, Јуко Шимизу како бело маченце со црвена панделка, оваа година го слави 40-от роденден.
Јапонската стилистка која се грижи за судбината на славната Хелоу Кити, измислен лик на јапонската фирма Санрио со гордост зборуваше за „нејзиното девојче“, коеа оваа година слави 40 години.
– Имаме веќе три генерации обожаватели на Хелоу Кити и се надевам дека и во иднина ќе има уште повеќе затоа што ги чувствувам како членови на семејството, рече Јуко Јамагучи која тимот на Санри Хело Кити го води од 1980 година.
Кити ќе прослави четири десетолетија од постоењето со неколку манифестации, како што е конвенцијата на фанови, а првиот таков собир ќе биде одржан кон крајот на октомври во Лос Анџелес.
Исто така, ќе биде организирана и посебна изложба на која ќе бидат претставени предмети со познатиот мотив, кои настанаа во соработка со многу познати компании ширум светот.