Министерството за образование и наука информира дека по доставена преставка за постапка по објавен конкурс за избор во звања во наставно научните области финансии, сметководство и менаџмент, од страна на просветен инспектор во Државниот просветен инспекторат – Скопје беше извршен вонреден инспекциски надзор на Економскиот факултет при Универзитетот “Гоце Делчев“ – Штип.
По констатирањето на состојбата во врска со постапувањето за конкретниот предмет, донесено е решение со коешто рецензентската комисија се задолжува во рок од 8 дена формализирајќи ја процедурата, истата да ја доуреди постапувајќи согласно Закон за високо образование, Статут и Правилник за работа на Универзитетот ,,Гоце Делчев” – Штип.
Министерството за образование и наука и Државниот просветен инспекторат, почитувајќи ја автономијата на Универзитетот “Гоце Делчев“ – Штип и натаму ќе го следат неговото постапување во врска со наведениот предмет и навреме ќе ја информираат јавноста за промената на состојбата.