Собранието денеска во рамки на осмата седница ќе расправа по Предлог законот за изменување на Законот за субвенционирање на станбен кредит, по скратена постапка.
На дневен ред се и Предлог законот за изменување на Законот за пратениците, исто така по скратена постапка, поднесен од пратениците Александар Николоски и Талат Џафери, Предлог законот за спортска академија, Предлог законот за изменување и дополнување на Законот за Посебен регистар за лица осудени со правосилна пресуда за кривични дела за сексуална злоупотреба на малолетни лица и педофилија, Предлог законот за изменување и дополнување на Законот за катастар на недвижности, како и Предлог законот за дополнување на Кривичниот законик, сите во прво читање.
Пред Собранието се и Предлог законот за прекршоците, Предлог законот за изменување и дополнување на Законот за здравственото осигурување, Предлог законот за дополнување на Законот за земање и пресадување на делови од човечкото тело заради лекување, сите во прво читање, како и Барањето за давање автентично толкување на член 45 од Законот за локална самоуправа и член 29-а од Законот за плата и други надоместоци на избрани и именувани лица во Република Македонија, поднесено од градоначалникот на Општина Босилово.