Едно лице е рането во вооружен напад во кумановската населба „Гоце Делчев“, ноќта кон неделата, пренесе Макфакс.
Инцидентот се случил во 2,10 часот во населба Гоце Делчев во Куманово, кога од група од три лица со пиштол било неколкупати пукано кон 34-годишниот, кој бил ранет во пределот на левата подлактица, при што му е укажана лекарска помош во Медицински центар Куманово.
По преземени мерки, дел од осомничените лица се приведени во полициска станица, а по дел од нив се трага. По целосно расчистување и документирање на случајот ќе бидат поднесени соодветни пријави.