ВМРО-ДПМНЕ го обвинуваат Бранко Црвенковски за криминалната приватизација на фабриката Алумина, која како што велат прехранувала 750 семејства и носела годишен прилив од 12 милиони евра.
„Оваа фабрика, беше разграбена и раскрчмена во времето на Бранко Црвенковски.Вкупните долгови на скопската фабрика изнесуваа 34 милиони евра, што е за три пати повеќе од вредноста на имотот. Само 5 милиони евра се долг кон вработените. Одговорноста за ова има име и презиме. Бранко Црвенковски е премиер, а СДСМ тогаш е на власт“, велат од владеачката партија.
Од ВМРО-ДПМНЕ обвинуваат дека во времето на Црвенковски, биле затворени 674 фирми, фабрики и комбинати, а на улица, без работа останале 198.364 граѓани.