Р.С. (54) од гостиварско Речане, вчера попладне е уапсен и испратен на отслужување казна затвор за сторено убиство пред 13 години, информира СВР Тетово.
Откако бил забележан од полициски службеници во близина на станбена зграда во Тетово, Р.С. набрзо е приведен. По него се трага од 2003 година, кога е осуден со уште еден соселанц за убиството на А.О. (1962) од Равен. Убиството се случило во август 2001 година во селото Речане.
По расправија, еден од осудените пукал со автоматска пушка и го застрелал равенецот. Во меѓувреме, едниот речанец ја отслужил затворската казна, а Р.С. успевал да го избегне приведувањето.