Речиси 400 црногорски функционери не дале точни податоци за имотната состојба, наведува Комисијата за спречување судир на интереси во Црна Гора.
Во првите шест месеци Комисијата обработила и проверила имотна состојба на 1.557 јавни функционери од кои 872 републички и 685 локални. Наведено е дека 394 не дале точни подаотци од кои 195 државни и 199 локални што означува – 25,3 отсто неточни извештаи за приходите и имотот.
Од државните функционери, 108 се на функции на кои ги бирала Владата на Црна Гора и меѓу нив има помошници министри, членови на борд-директори и други. Неточни податоци дале и 38 судии, 17 обвинители, 13 пратеници, осум судии за прекршоци, седум функционери што ги назначуива претседателот на Црна Гора.
Комисијата според локални медиуми, покренала прекршочни постапки во сите случаи.