Јапонскиот политичар Рјутаро Нономура (47) стана вистински хит на интернет, откако доживеа нервен слом на конференција за медиуми, на која се обиде да се одбрани од обвиненија за проневера на државни пари, кои наводно ги трошел за приватни патувања.
Како што пренесе „Франс прес“, Нономура започнал хистерично да клоца во тек на конференцијата, која што траела цели три часа, да удира со рацете во столот и да им вика на новинарите. Видео снимките од конференцијата веднаш привлекоа внимание на интернет ,а една од нив, има дури и повеќе од два милиони прегледи.
-Ова е срамно, дали е пијан?, стои во еден коментар на „Јутјуб“.
Нономура е пратеник во Паралементот на префектура Хјого, а е обвинет за проневера на 29.000 долари државни пари, кои наводно ги трошел на приватни патувања.
Е. Г.