Досега непознатата анархистичка организација „Револуционерна самоодбрана“ ја презеде одговорноста за вооружениот напад врз седиштето на на социјалистичката партија ПАСОК во Атина во пресрет на евроизборите на 25 мај, пишува весникот „Вима“.
Во соопштението на организацијата се наведува дека нејзини членови со автомати Калашников отвориле оган кон прозоците на зградата.
Групацијата ја обвинува партијата ПАСОК за тоа дека одиграла историска улога во корист на капитализмот и оти нејзиното доаѓање на власт било поддржано од буржоаските кругови, со цел да се уништи класната борба.
Грчките анархисти предупредуваат дека подготвуваат нови вооружени напади, напоменувајќи дека истрелите против седиштето на ПАСОК биле само вовед.