Третиот потпретседател на Собранието кој е резервиран за пратеник на опозицијата да биде Роза Топузова – Каревска или да биде избран од редовите на ДПА, побара на денешната собраниска седница пратеникот Амди Бајрам.
– Имам потполна доверба во именувањето на Милошоски. Меѓутоа, имам една забелешка. Денеска бираме потпретседатели на Собранието, опозицијата ја нема, нејзините места се празни. Јас мислам дека потпретседателот од опозицијата треба да го одбереме од оние кои се присутни во Парламентот. Нема веќе кого да го чекаме и да му се додворуваме тука во Собранието. Треба да знаеме дека оваа опозиција со сила не можеме да ја донесеме. Ние треба да си ја водиме државата и да работиме. Затоа да одбереме од оваа присутна опозиција и да почнеме да работиме како што треба – изјави Бајрам.
Денеска, Собранието ги избра пратениците Антонио Милошоски и Рафиз Алити за нови потпретседатели во Собранието.
Петар Клинчарски