За Луис Суарез овогодишното Светско првенство во фудбал е завршено затоа што го гризна Италијанецот Џорџ Кјелини.
Ова е веќе трет пат, Суарез, кој игра и за Ливерпул, да изгризе фудбалер од противничкиот тим за време на утакмица.
Новинар од весникот Њу Стејтсмен бил интригиран со фактот, па одлучил да пресмета која е поголема веројатност, да ве гризне Суарез или ајкула.
Од 2005. година Суарез играл 441 утакмица за репрезентацијата на Уругвај и разни клубови. Под претпоставка дека секој натпревар го започнуваат 11 играчи и три замени, 6.160 фудбалери играле против Суарез и ризикувале да бидат каснати.
Шансите дека некој од нив ќе биде каснат од фудбалерот се движат од околу 1 спрема 2.000. Од друга страна, шансите да ве гризне ајкула додека пливате во океан се еден спрема 3.7 милиони.
Освен тоа, шансите да ве погоди гром исто така се помали (1 спрема 10.000) или да загинете во авионска несреќа (1 спрема 11 милиони).