Писма на американската писателка Маргарет Мичел, која е автор на романот „Однесено со виорот“, според кој е снимен истоимениот култен филм, ќе бидат на аукциска продажба по пат на интернет до 26 јуни, соопшти денеска аукциската куќа РР Аукција.
На продажба се ставени писмата кои писателката им ги напишала на обожавателите, а се однесуваат на познатиот роман. На интернет страницата на аукциската куќа се наведува дека шесте писма кои се на продажба се испратени во ноември 1936 година и август 1938 година.
Писмата се проценети на 3.500 долари. Романот „Однесено со виорот“ е објавен во јуни 1936 година, а филмот кој освои десет Оскари е снимен во 1939 година.