Никој друг во СДСМ веќе не го брани Црвенковски освен Игор Ивановски, Наташа Савова и Емилијан Станковиќ, вака ВМРО-ДПМНЕ реагира на денешната прес конференција на Емилијан Станковиќ.
„Наместо да одржуваат вакви изјави треба да отидат во СДСМ и да го прашаат Бранко каде се парите од шверцот за нафта?“, велат од ВМРО-ДПМНЕ.
„Она што СДСМ сака да го постигне е со извртување на зборовите да креира погрешен впечаток и да го одвлече вниманието од мега скандалот за шверц на нафта во деведесетите, каде Бранко Црвенковски и луѓето од нивната партија беа директно посочени за криминалци и организатори на шверц на нафта.Потценување е да ја извртуваат темата со вакви небулози. Емилијан Станковиќ од петни жили го брани Црвенковски на така недостоинствен начин што веќе е непријатно да ја гледаме оваа глетка, како полтронски се понижува“, стои во соопштението на ВМРО-ДПМНЕ.