Пет момчиња загинаа во стравична сообраќајна несреќа на обиколницата на Белград, кај Батајница.
Несреќата се случила околу три часот и 30 минути по полноќ, ноќта помеѓу четвртокот и петокот, кога автомобилот „Ауди А3“ во кој биле момчињата, со голема брзина влетал во делот од патот кој поради градежни работи е затворен и се забил во надвозникот кој не е завршен.
Откако возачот ги поминал барикадите, возел некои 400 метри, пред да забележи дека патот не е асфалтиран.
Се обидел да застане, бидејќи трагите на кочење биле долги околу 80 метри, но не успеал. Автомобилот удрил во надвозникот, а од силниот удар, момчињата излетале низ возилото.
Целиот преден дел на „Аудито“ е потполно смачкан, делови од возилото се на сите страни.
Акумулаторот е најде на 50 метро од местото на несреќата. Автомобилот е буквално на парчиња.
Стрелката на мерачот на брзината кој исто така испаднал од возилото, стои на 220 километри на час.
На местото на несреќата загинале 19-годишните Лука Бојовиќ, Петар Илиќ и Томислав Савиќ и 20-годишниот Ѓуро Роквиќ. Идентитетот на петтиот загинат е се уште непознат. Возилото припаѓало на Ѓуро Роквиќ, но не е утврдено кој го управувал кобната вечер.
kurir-info.rs