Општина Охрид денеска го распиша годинашниот конкурс за најдобар расказ за Живко Чинго, што по 26. пат го доделува на традиционалната културна манифестација „Вечер на Живко Чинго“.
Право на учество имаат сите полнолетни граѓани на Република Македонија, а најдобриот расказ ќе биде награден со 30.000 денари.
Краен рок за доставување на трудовите е 20 јули, додека резултатите од жирито ќе бидат објавени на 31 јули.
Наградата за најдобар расказ за Живко Чинго ќе биде врачена на 13 август на традиционалната културна манифестација „Вечер на Живко Чинго“ во охридското село Велгошти – родното место на писателот.