Еден од најпознатите сервиси за плаќање преку интернет „PayPal“, од денеска е достапен и во Црна Гора.
Црногорското Министерство за информации и телекомуникации соопшти дека со воведувањето на „PayPal“, како систем за електронско плаќање, е многу важно за граѓаните во државата, но и за стопанствениците кои може да го искористат за електронско работење и трговија преку интернет.
-По интензивна комуникација со претставници на оваа компанија и доставување на неопходна документација, со која што се потврди дека не постојат законски пречки за воведување на овој систем, е констатирано дека се исполнети сите услови за функционирање на „PayPal“ системот и Црна Гора од денес е на листата држави во кои може да се користи овој сервис-стои во соопштението на министерството.
Е. Г.