Сообраќајна несреќа се случила денеска во центарот на Скопје.
Жена е удрена со автомобил марка „Југо“ со велешки регистарски таблички.
Несреќата се случила во близина на гимназијата „Јосип Броз Тито“, пред пешачкиот премин на раскрсницата на улиците „Климент Охридски“ и „Димитрија Чуповски“.
Полицијата врши увид на местото на несреќата, а жената е пренесена во Ургентниот центар. Детали за нејзината здравствена состојба се уште не се познати.
