Турција прави се што е во нејзина моќ за враќање во земјата на киднапираните турски граѓани во Ирак, изјави турскиот вицепремиер Булент Аранч.
Во ирачкиот град Мосул минатата недела во два различни напада на џихадистичката група Исламска држава во Ирак и Левантот беа киднапирани околу 80 турски граѓани, возачи на камиони и вработени во турскиот Конзулат и членови на нивни семејства.
– Анкара треба да ги заштитува своите интереси во Ирак, истовремено да гарантира безбедно враќање во Турција на киднапираните граѓани, изјави доцна синоќа Аранч по седница на Владата.