Турското Министерство за надворешни работи им препорача на турските граѓани итно да ја напуштат ирачката провинција Басра.
Во соопштението на Министерството, објавени доцна синоќа, се наведува дека поради континуираното и се позасилено насилство во Ирак, Турција одлучиа да направи повторна оценка на ситуацијата во Басра, која не беше вклучена во претходниот список со ирачки провинции, кои се сметаат за опасни.
Министерството минатата недела им препорача на турски граѓани за што е можно пократко време да ги напуштат провинциите Ниневија, Киркук, Салах ал Дин, Дијала, Анбар и Багдад.
Турскиот заменик министер за надворешни работи во меѓувреме изјави дека Турција испраќа хуманитарна помош за ирачките градови, кои се погодени од насилството.
Кору, кој говореше синоќа на прес-конференција во Анкара, додаде дека Турција достави хуманитарна помош најмногу за ирачките региони, населени со Туркмени.
Турската Дирекција за управување со несреќи и вонредни ситуации почна да испраќа шатори и храна за Ирак, изјави вчера и министерот за надворешни работи Ахмет Давутоглу.